ជនអន្តោប្រវេសន៍ខេត្តឈុនបុរី ឆ្មក់ចូលបង្ក្រាបក្រុមព្រះសង្ឃខ្មែរក្លែងក្លាយ ប្រទះឃើញសង់ជម្រកនៅកណ្តាលភ្នំ

បុគ្គលខ្មែរបួននាក់ដែលក្លែងខ្លួនជាព្រះសង្ឃត្រូវបាននគរបាលអន្តោប្រវេសន៍ចាប់ខ្លួននៅលើភ្នំក្បែរសហគមន៍មួយក្នុងស្រុកស៊ីរ៉ាឆា(Si Racha)ខេត្តឈុនបុរី(Chon Buri)។

ពួកគេក្លែងខ្លួនជាព្រះសង្ឃក្លែងក្លាយស្លៀកពាក់ពណ៌លឿង ស្នាក់នៅក្នុងជម្រកបណ្ដោះអាសន្ន។ ប្រតិបត្តិការនេះ ធ្វើឡើងនៅព្រឹកថ្ងៃទី១ ខែធ្នូនេះ បន្ទាប់ពីមានបណ្តឹងរបស់ប្រជាពលរដ្ឋអំពីជនជាតិខ្មែរជាច្រើននាក់ ដែលក្លែងបន្លំធ្វើជាព្រះសង្ឃ និងបិណ្ឌបាតអាហារ និងលុយនៅក្បែរផ្សារលើផ្លូវកៅគីឡូ(Kao Kilo) ក្នុងសង្កាត់សុរាសាក់(Surasak)។

អ្នកស្រុកបានបង្ហាញពីស្ថានភាពរស់នៅរបស់បុរសខ្មែរនៅលើភ្នំជិតសហគមន៍របស់ពួកគេ។ មន្ត្រីអន្តោប្រវេសន៍មួយក្រុមដឹកនាំដោយលោកវរសេនីយ៍ឯក PrinyaKlinkesornបានឡើងលើភ្នំព្រឹកនេះ ហើយបានរកឃើញជនជាតិខ្មែរ៤នាក់ពាក់ស្បង់ពណ៌លឿង ដែលទើបត្រឡប់មកពីបិណ្ឌបាត។

បុរសដែលត្រូវចាប់ខ្លួនមិនមានលិខិតឆ្លងដែន ឬឯកសារធ្វើដំណើរណាមួយឡើយ ។ ពួកគេបានជូនដំណឹងដល់នគរបាលអំពីវត្តមានពលរដ្ឋខ្មែរជាច្រើននាក់ទៀតនៅក្នុងតំបន់នោះ។ ទោះបីជាយ៉ាងណាក៏ដោយ ការឆែកឆេរជាបន្តបន្ទាប់ដោយមន្ត្រីបានរកឃើញជម្រកឬស្សីដែលបោះបង់ចោលមួយចំនួន ឧបករណ៍ចម្អិនអាហារ និងរបស់របរប្រើប្រាស់ក្នុងផ្ទះមួយចំនួនតូច។

បុរសជាប់ចោទទាំងបួននាក់ត្រូវបានផ្សឹក ដោយចោទប្រកាន់ពីបទចូលខុសច្បាប់ និងក្លែងខ្លួនជាព្រះសង្ឃដោយខុសច្បាប់។ ពួកគេត្រូវបានរៀបចំសម្រាប់ការធ្វើមាតុភូមិនិវត្តន៍ក្រោយបញ្ចប់នីតិវិធីច្បាប់ចាំបាច់។

Bangkok Postបានរាយការណ៍ថា ព្រះគ្រូ Rangsanដែលជាព្រះចៅអធិការវត្តពុទ្ធថានីមិត ដែលជាព្រះវិហារពុទ្ធសាសនានៅតំបន់ជុំវិញនោះ បានលាតត្រដាងថា បុរសខ្មែរទាំងនេះបានក្លែងបន្លំថាមានទំនាក់ទំនងជាមួយព្រះវិហារ ខណៈកំពុងស្វែងរកបច្ច័យ។

ប្រាសាទ និងទីសក្ការៈរបស់ទីក្រុងបាងកក គឺជាមេដែកសម្រាប់អ្នកទេសចរដែលចង់ស្វែងយល់ពីវប្បធម៌ និងទំនៀមទម្លាប់សាសនាក្នុងតំបន់។ គួរឲ្យសោកស្ដាយ បរិយាកាសដ៏ស្ងប់ស្ងាត់ត្រូវបានរំខានដោយបុគ្គលបោកបញ្ឆោតថាជាព្រះសង្ឃដើម្បីកេងប្រវ័ញ្ចសប្បុរសធម៌របស់ភ្ញៀវដែលមិនបានដឹង។

អ្នកក្លែងបន្លំទាំងនេះ ក្លែងខ្លួនក្នុងសម្លៀកបំពាក់ព្រះសង្ឃ ចូលទៅជិតអ្នកទេសចរ ស្វែងរកបច្ច័យ ឬលក់វត្ថុសាសនាក្លែងក្លាយ។ ដោយប្រើប្រាស់ឧបាយកលផ្នែកអារម្មណ៍ ពួកគេបានលួងលោមអ្នកដំណើរឱ្យបរិច្ចាគប្រាក់កាសរបស់ពួកគេ។