រថយន្តធុនធំ២គ្រឿងបុកគ្នាពេញទំហឹងបណ្ដាលឲ្យមនុស្ស៣នាក់រងរបួសធ្ងន់ និងស្រាល នៅស្រុកភ្នំស្រួច……

ខេត្តកំពង់ស្ពឺ ៖ នាព្រឹកថៃ្ងសៅរ៍ទី ២ ខែតុលា ឆ្នាំ២០២១ វេលាម៉ោង០៥.៤៥នាទីព្រឹក នៅលើកំណាត់ផ្លូវជាតិលេខ៤ ចន្លោះគីឡូម៉ែត្រលេខ ៧៤-៧៥ ត្រង់ចំណុចភូមិចេក ឃុំអូរ ស្រុកភ្នំស្រួច មានករណីគ្រោះថ្នាក់ចរាចរណ៍រវាងរថយន្តនិងរថយន្ត (ដឹកទំនិញកូនឈេី) រថយន្តម៉ាក Hyundai ពណ៌ស ស្លាកលេខ កោះកុង 3A-0782 បើកបរដោយឈ្មោះ សំ សុវណ្ណារ៉ុង ភេទប្រុស អាយុ ២៤ឆ្នាំ អ្នករួមដំណើរ ឈ្មោះ ម៉ៅ ភេទប្រុសអាយុ៣៥ឆ្នាំ រស់នៅភូមិចាំយាម ឃុំបាក់ខ្លង ស្រុកមណ្ឌលសីមា ខេត្តកោះកុង ។

រថយន្តពណ៌ស HYUNDAI បើកបរពីទិសខាងកើតទៅទិសខាងលិច លុះមកដល់ចំណុចខាងលើ បានបុករថយន្ត ០១គ្រឿងទៀត ម៉ាក HYUNDAI ពណ៍ខៀវ ស្លាកលេខភ្នំពេញ ៣ញ-០៥៥១ ក្នុងទិស ដៅបញ្រ្ចាសគ្នា (កំណត់ហេតុជំនាញ) ។

ហេតុការណ៍ខាងលើ បណ្តាលឲ្យរបួសមនុស្ស ៣ នាក់ (របួសធ្ងន់) និងបង្កឲ្យមានការកកស្ទះចរាចរណ៍
សមត្ថកិច្ចនគរបាល បានបញ្ជូនជនរងគ្រោះទៅមន្ទីរពេទ្យសង្រ្គោះបន្ទាន់ ។